Express Gossip

Share now!

ඉන්දියාවේ උත්තර් ප්‍රදේශ් හි ක්‍රියාත්මක මත්පැන් මාෆියාවට එරෙහිව කටයුතු කල එරට සුප්‍රසිද්ධ මාධ්‍යවේදියෙකු වූ සුලාබ් ශ්‍රී වාස්තව  මහතා පෙරේදා රාත්‍රියේදී අභිරහස් අන්දමින් මියගොස් ඇති බව ඉන්දීය මාධ්‍ය වාර්තා සඳහන් කර සිටී .

මෙලෙස මරණයට පත්වීමට පෙර දිනයේද ස්රිවාස්තව මහතා , තමාට මරණ තර්ජන ඇති බවට පොලිසියට දැනුම්දී ඇතැයිද වාර්තාවේ .

උත්තර් ප්‍රදේශ්  තුල මත්පැන් ව්‍යාපාරය සම්පූර්ණයෙන්ම පාහේ පාතාල කණ්ඩායම් නීති විරෝධී ලෙස ක්‍රියාත්මක කරන අතර ඒ පිළිබඳව ශ්‍රී වාස්තව මහතා දිගින් දිගටම මාධ්‍ය හරහා කරුණු අනාවරණය කර ඇත . ඒ හේතුව උඩ එම පාතාල කල්ලි ශ්‍රී වාස්තව මහතා සමග දැඩි කෝපයෙන් සිටි බවද ඉන්දීය මාධ්‍ය සංවිධාන රැසක් සඳහන් කර ඇත .

කෙසේ වෙතත් ඉන්දීය පොලිසිය සඳහන් කර ඇත්තේ මෙම මරණය හදිසි අනතුරක් වන බවයි . ශ්‍රී වාස්තව මහතා පෙරේදා දින රාත්‍රියේ  මාධ්‍ය ආවරණ කටයුත්තක් අවසන් කර තම යතුරු පැදියෙන්  නිවස බලා  පැමිණෙන අතරතුරදී මෙම අනතුර සිදුව ඇති බව පොලිසිය සඳහන් කර ඇත .

නමුත් මෙතෙක් එම අනතුර සිදුවූ අන්දම ගැන කිසිදු තොරතුරක් අනාවරණය වී නොමැති බවත් , මෙය සිතා මතා සිදුකල ඝාතනයක් වන බවත් ඉන්දීය මාධ්‍ය සංවිධාන රැසක් නිවේදනයන් නිකුත් කරමින් අවධාරණය කර ඇත .

මේ අතර ඉන්දීය කොන්ග්‍රසය ඇතුළු විපක්ෂයේ පක්ෂ රාශියක් මෙම ඝාතනයට විරෝධය පළකරමින් නිවේදන නිකුත් කර ඇති අතර මේ පිලිබඳවා වහා පරීක්ෂණයක් සිදු කරන ලෙසද රජයට බලකර ඇත .

 

Leave a Reply

Your email address will not be published. Required fields are marked *

Post comment