කොවිඩ් 19 ප්‍රතිශක්තිකරණ වැඩසටහන සඳහා එන්නත් මිලදී ගැනීම සහ ඒ ආශ්‍රිත කටයුතු වෙනුවෙන් මෙරටට ඩොලර් මිලියන 150ක ණයක් ලබාදීමට ආසියානු සංවර්ධන බැංකුව එකඟතාවය පළකර ඇත .
ඒ අනුව මුදල් අමාත්‍යාංශයේ ලේකම් එස්.ආර් ආටිගල මහතා සහ ආසියානු සංවර්ධන බැංකුවේ ශ්‍රී ලංකා නේවාසික අධ්‍යක්ෂ චෙන් චෙන් මහතා අතර ඊටේ අදාළ මූලික ගිවිසුම් සඳහා ඊයේ (09) අත්සන් තැබිණ .
එන්නත්කරණය සඳහා වන පිරිවැය පියවා ගැනීම,එන්නත් ආශ්‍රිත අධීක්ෂණ පද්ධති ස්ථාපිත කිරීම,ශීතාගාර සහිත ප්‍රවාහන පහසුකම් සැපයීම සහ සායනික අපද්‍රව්‍ය කළමනාකරණය ශක්තිමත් කිරීම ඇතුළු තවත් අනුබද්ධ ක්‍රියාකාරකම් කිහිපයක් සඳහා එම ණය අරමුදල් යෙදවිමට නියමිතව ඇත.
ආසියානු පැසිෆික් එන්නත් ප්‍රවේශ පහසුකම යටතේ ඇමරිකානු ඩොලර් මිලියන 84ක් සහ නිත්‍ය දේශීය ප්‍රතිපාදනවලින් ඇමරිකානු ඩොලර් මිලියන 66ක් ලෙස එම ණය මුදල සමන්විත වන බව මුදල් අමාත්‍යාංශය සඳහන් කරයි.
