මෙරට කොවිඩ් මරණ සංඛ්‍යාව ඊයේ (25) දිනයේ යලි ඉහල යාමක් පෙන්නුම් කල බවත් , ඒ පිළිබඳව කිසිසේත්ම සැහැල්ලුවෙන් සිතිය නොහැකි බවත් නියෝජ්‍ය සෞඛ්‍ය සේවා අධ්‍යක්ෂ විශේෂඥ වෛද්‍ය හේමන්ත හේරත් මහතා අවධාරණය කර සිටී .
ඊයේ දින මෙසේ කොවිඩ් මරණ සංඛ්‍යාවේ ඉහල යාමක් පෙන්නුම් කිරීම පිළිබඳව නිශ්චිතව යමක් ප්‍රකාශ කිරීමට මේ මොහොතේ හැකියාවක් නොමැති නමුත් ඒ ගැන දැඩි අවධානයක් යොමු කිරීම ඉතා වැදගත් බවද ඒ මහතා මාධ්‍ය වෙත පැවසීය .
මෙසේ මරණ සංඛ්‍යාව ඉහල යාම , ඉදිරිය පිළිබඳව අපට ලබාදෙන යම් ඉඟියක් විය හැකි බවත් ඒ අනුව මේ මොහොතේ වඩාත් ආරක්‍ෂාකාරීව , සෞඛ්‍ය මාර්ගෝපදේශ අනුගමනය කරමින් කටයුතු කිරීමට ජනතාව පියවර ගත යුතු බවත් ඒ මහතා පැවසීය .
