BREAKING NEWSEXPRESS RESEARCHසේයාරූ

Share now!

ගෙවුණු මාසය තුළ (2021 නොවැම්බර් සිට දෙසැම්බර් දක්වා) ආහාරවල සිල්ලර මිලෙහි මාසික වෙනස්වීම 15%ක වැඩිවීමක් වාර්තා කර තිබේ.

ආහාරවල සිල්ලර මිලෙහි වෙනස්වීම් නිරීක්ෂණය කරන Advocata ආයතනයේ Bath Curry Indicator (BCI) විසින් මේ බව සඳහන් කර ඇත්තේ ශ්‍රී ලංකා මහබැංකුවේ සතිපතා දර්ශක විශ්ලේෂණය මගිනි.

මෙම වැඩිවීමට බොහෝ දුරට හේතු වී ඇත්තේ එළවළු මිල ඉහළ යාමයි.

අමු මිරිස් ග්‍රෑම් 100ක් රුපියල් 18ක සිට රුපියල් 71 දක්වා වැඩි විය. මෙය මාසයක කාලයකදී 287%ක වැඩිවීමකි.

එසේම බටු මිල 51% කින් ද රතු ළූණු 40% කින් ද බෝංචි සහ තක්කාලි මිල 10% කින් ද ඉහළ ගොස් ඇත.

 

 

මාස 3ක කාලය තුළ ආහාරවල මිල වෙනස් වීම පහත පරිදි බලපා ඇත.

සමස්තයක් වශයෙන්, 2019 සිට ආහාරවල මිල ගණන් දෙගුණයකින් පමණ වැඩි වී ඇති බව එමගින් පෙන්වා දී තිබේ.

2020 දෙසැම්බර් මාසයට සාපේක්ෂව, මිල ගණන් 37% කින් වැඩි වී ඇත.

මෙයින් අදහස් කරන්නේ සාමාන්‍යයෙන් හතර දෙනෙකුගෙන් යුත් පවුලක් රු. 2020 දෙසැම්බරයේ ආහාර ද්‍රව්‍ය කූඩයට සතිපතා රුපියල් 1165 ක් ගෙවා වසර 1 කට පසුව එම භාණ්ඩ කූඩය සඳහා රුපියල් 1593 ක් ගෙවිය යුතු බවය.

සාමාන්‍ය බත් ව්‍යංජන ආහාර වේලක භාවිතා කළ හැකි බහුලවම පරිභෝජනය කරන ආහාර ද්‍රව්‍යවල කොළඹ වෙළඳපොලේ සතිපතා සිල්ලර මිල ගණන් BCI නිරීක්ෂණය කරයි. මහ බැංකුව විසින් ප්‍රකාශයට පත් කරන ‘සතිපතා දර්ශක’ වලින් මෙම මිල ගණන් එකතු කරනු ලැබේ.

ගෙවුණු වසර 3ක කාලය තුළ මාස්පතා ආහාරවල මිල වෙනස් වීම පහත පරිදි දැක්විය හැකිය.