අර්ධ වශයෙන් භාවිත කරන ලද දෝෂ සහිත සහ සැක සහිත ගෑස් සිලින්ඩර ආපසු භාරදීමට කැමති පාරිභෝගිකයින් සඳහා පාරිභෝගික කටයුතු අධිකාරියෙන් දැනුම්දීමක් සිදුකර ඇත.
ඒ අනුව එලෙස භාරදෙනු ලබන ගෑස් සිලින්ඩරවල ඉතිරිව ඇති ගෑස් ප්‍රමාණය වත්මන් වෙළෙඳපොළ මිලට අනුව ගණනය කර එකී වටිනාකම නව ගෑස් සිලින්ඩරය මිලදී ගැනීමේදී අඩු කළයුතු බවට අදාළ ගෑස් සමාගම් වෙත උපදෙස් දී ඇති බව පාරිභෝගික කටයුතු අධිකාරිය සඳහන් කරයි.
එම කටයුතුවලදී ගෑස් බෙදාහරින්නන් සහ නියෝජිතයින් ගෑස් සිලින්ඩර ආපසු භාරගැනීම ප්‍රතික්ෂේප කරන්නේ නම් ඒ පිළිබඳව පාරිභෝගික කටයුතු අධිකාරියේ පහත සඳහන් දුරකථන අංක වෙත දැනුම්දෙන ලෙස එම අධිකාරිය මහජනතාවට වැඩිදුරටත් දැනුම්දෙයි.
එම දුරකථන අංකද සහිත සම්පූර්ණ නිවේදනය පහත දැක්වේ .
