BREAKING NEWS


Share now!

අග්‍රාමාත්‍ය මහින්ද රාජපක්ෂ මහතාගේ නායකත්වයෙන් ආණ්ඩුව පවත්වාගෙන යාමේ යෝජනාවක් අද පැවති ආණ්ඩු පක්ෂ මන්ත්‍රී කණ්ඩායම් රැස්වීමේ දී ඒකමතිකව සම්මත වී තිබේ.

රට තුළ උද්ගතව ඇති තත්ත්වය හමුවේ ආණ්ඩුව ඊට ශක්තිමත්ව මුහුණදිය යුතු බවත් ඒ සදහා අග්‍රාමාත්‍ය මහින්ද රාජපක්ෂ මහතාගේ නායකත්වයෙන් යුතුව ආණ්ඩුව ඉදිරියටත් පවත්වාගෙන යා යුතු බවටත් පාර්ලිමේන්තු මන්ත්‍රී සහන් ප්‍රදීප් මහතා ඉදිරිපත් කළ යෝජනාව පාර්ලිමේන්තු මන්ත්‍රී යූ කේ සුමිත් මහතා ස්ථීර කර තිබුණි.

මෙහිදී අදහස් දැක්වූ විදුලිබල හා බලශක්ති අමාත්‍ය කංචන විජේසේකර මහතා කියා සිටියේ සති කීපයක් ඇතුළත ඉන්ධන සහ විදුලි ගැටලුව විසදීමට පියවර ගෙන ඇති බවයි.

ජනතාවට අවශ්‍ය කඩිනම් සහන ඉදිරි සති කිහිපයේ දී ලබාදීම සදහා ගෙන ඇති ක්‍රියාමාර්ග පිළිබද විෂයභාර අමාත්‍යවරුන් මෙහිදී කරුණු පැහැදිලි කර ඇත.