ආර්ථික අර්බුදයෙන් ගොඩ ඒම සඳහා තවදුරටත් ශ්‍රී ලංකාවට සහයෝගය ලබාදීමට සූදානම් බව ඉන්දියාව අවධාරණය කර සිටී .
නව අග්‍රාමාත්‍ය රනිල් වික්‍රමසිංහ මහතා සමග පැවති විශේෂ හමුවකදී ඉන්දීය මහ කොමසාරිස් ගෝපාල් බග්ලේ මහතා මේ බව සඳහන් කර ඇත .
නව අගමැතිවරයා සමග පැවති සාකච්ජාවේදී මෙරට ජනතාවගේ සුභ සිද්ධිය වෙනුවෙන් , ප්‍රජාතන්ත්‍රවාදී ක්‍රමවේදයක් ඔස්සේ ,තවදුරටත් එක්ව කටයුතු කරන ආකාරය පිලිබඳව අවධානය යොමුකෙරුණු බව ඉන්දීය මහ කොමසාරිස් කාර්යාලය නිකුත් කල ට්විටර් පනිවුඩයක දැක්වේ .
විශේෂයෙන්ම ශ්‍රී ලංකාවේ ආර්ථික ගොඩගැනීම පිළිබඳව මෙන්ම ස්ථාවරත්වය ගොඩනැංවීම ගැනද මෙහිදී සාකච්ජා වූ බවත් ට්විටර් පණිවුඩයේ දැක්වේ .
නව ධූරය වෙනුවෙන් සුභ පැතුම් පිරිනැමීම සඳහා , මෙසේ ඉන්දීය මහ කොමසාරිස්වරයා අද දින අගමැති රනිල් වික්‍රමසිංහ මහතාව මුණගැසී ඇති බවද පණිවුඩයේ දැක්වේ ,
.
