සේයාරූ


Share now!

ඉන්දීය සුපිරි සිනමා නළු ‘මම්මූටි’ චිත්‍රපට රූගත කිරීමක් සඳහා එළඹෙන සතියේ ශ්‍රී ලංකාවට පැමිණීමට නියමිතව ඇත .

මුහම්මද් කුට්ටි පනාපරම්බිල් ඉස්මයිල් හෙවත් මම්මූටි මලයාලම් සිනමාවේ සුපිරි තරුව ලෙස හැඳින්වෙන අතර මෙරට සිනමා රසික රසිකාවියන් අතරද ඔහු අතිශය ජනප්‍රිය රංගන ශිල්පියෙකි .

මෙම චිත්‍රපටය කඩුගන්නාව ඇතුළු ප්‍රදේශ කිහිපයකම රූගත කෙරෙන අතර ඒ සඳහා මම්මූටි ලබන සතියේ දින තුනක කාලයක් ශ්‍රී ලංකාවේ රැඳී සිටින බව වාර්තා වේ.

ශ්‍රී ලංකා සංචරණය මෙම චිත්‍රපටයේ නිෂ්පාදනයට අවශ්‍ය සහයෝගය ලබා දෙන අතර සංචාරක අමාත්‍ය හරීන් ප්‍රනාන්දු සහ ශ්‍රී ලංකා සංචාරක තානාපති සනත් ජයසූරිය ද මම්මූටි හමුවී සාකච්ජා කිරීමට නියමිතය .

සුපිරි නළු මම්මූටි මේ වන විට ඉන්දියානු චිත්‍රපට ක්ෂේත්‍රයේ දශක 5ක් සාර්ථකව සම්පූර්ණ කර ඇති අතර ඔහුගේ වෘත්තීය ජීවිතය තුළ චිත්‍රපට 400කට පමණ දායක වී ඇත.