පොලිස් විශේෂ කාර්ය බළකායේ නව ප්‍රධානියා ලෙස නියෝජ්‍ය පොලිස්පති නීතිඥ වරුණ ජයසුන්දර මහතා නම් කර තිබේ.
මේ වනවිට විශේෂ කාර්ය බළකායේ සේනා විධායක ලෙස සේවය කරන නියෝජ්‍ය පොලිස්පති ලයනල් ගුණතිලක මහතා ත්‍රිකුණාමලයට මාරු කිරීමට නියමිත ය.
වරුණ ජයසුන්දර මහතා දැනට සේවයේ නිරතව සිටින්නේ බස්නාහිර උතුර දිසාව භාර පොලිස් ප්‍රධානියා ලෙස ය.
මත්ද්‍රව්‍ය සහ පාතාලය මැඩලීමේ ජනාධිපති කාර්ය සාධක බළකායේ ද සාමාජිකයෙක් වන වරුණ ජයසුන්දර මහතා විශේෂ කාර්ය බළකායේ සේනා විධායක ලෙස පත්කිරීමට වැඩබලන පොලිස්පතිවරයා විසින් පොලිස් කොමිසමට ඉදිරිපත් කරන ලද යෝජනාවට එහි සාමාජිකයන්ගේ ද අනුමැතිය ලැබී තිබේ.
මේ වනවිට මැතිවරණ කාලපරිච්ඡේදයක් පවතින බැවින් එම ස්ථාන මාරුව සම්බන්ධයෙන් වූ යෝජනාව මේ වනවිට අනුමැතියට යොමු කර ඇත.
පහත දැක්වෙන්නේ ලයනල් ගුණතිලක මහතා මීට මාස 3කට පමණ පෙර පොලිස් විශේෂ කාර්ය බළකා අණදෙන නිලධාරියා ලෙස වැඩභාරගත් අවස්ථාවයි.
