කොළඹ විශ්වවිද්‍යාලයේ දේශීය වෛද්‍ය විද්‍යා ආයතනය , එහි දෙවන, තෙවන හා සිව්වන අධ්‍යයන වර්ෂවල සිසුන් වෙනුවෙන් අද (19) සිට තාවකාලිකව වසා දමා ඇත.
කෙසේ වෙතත් පළමු හා අවසන් අධ්‍යයන වර්ෂවල සිසුන් සඳහා ආයතනය විවෘතව තැබෙන අතර ඔවුන්ගේ අධ්‍යයන හා විභාග කටයුතු නියමිත පරිදි පැවැත්වෙන බව විශ්වවිද්‍යාල පාලනාධිකාරිය ප්‍රකාශ කර සිටී..
පිරිමි නේවාසිකාගාරයේ උද්ගතව ඇති අර්බුදකාරී තත්ත්වය හේතුවෙන් එම පියවර ගෙන ඇති අතර ආයතන ප්‍රතිපත්ති මාලාවට අනුව නේවාසික පහසුකම් සැපයීමේදී අවසන් හා පළමු වසර සිසුන්ට සඳහා ප්‍රමුඛතාව ලබාදෙන බව පාලනාධිකාරිය සඳහන් කර සිටී.
දෙවන, තෙවන හා සිව්වන වසරවල සිසුන්ට නේවාසික පහසුකම් ලබා නොදෙන අතර ආයතනය යළි විවෘත කිරීමේදී ඔවුන් නේවාසික පහසුකම් සපයා ගත යුතු බවද පාලනාධිකාරිය වෙනුවෙන් එහි ප්‍රකාශිකාවක පැවසීය
