එක්සත් ජාතීන්ගේ සාම සාධක මෙහෙයුම් සඳහා ශ්‍රී ලංකාවේ හමුදා භටයින් සහභාගී නොකරගැනීමට ජගත් සංවිධානය පියවර ගත යුතු බව ගෝලීය ද්‍රවිඩ සංසදය යෝජනා කර සිටී.
අන්තර් රාජ්‍ය මිලිටරි සහයෝගීතාවයන සඳහා ශ්‍රී ලංකා හමුදා සහභාගී කරවා ගැනීම පිළිබඳවද ජාත්‍යන්තර සිතා බැලිය යුතු බව එමානුවෙල් දේවගතිවරයාගේ නායකත්වයෙන් යුත් ගෝලීය ද්‍රවිඩ සංසදය නිවේදනයක් නිකුත් කරමින් අවධාරණය කර ඇත.
ශ්‍රී ලංකා හමුදාවේ නව හමුදාපතිවරයා ලෙස මේජර් ජෙනරාල් ශවේන්ද්‍ර සිල්වා පත් කිරීම වැනි අසාධාරණ හා අයුක්තිසහගත ක්‍රියා , ශ්‍රී ලංකා රජය විසින් ගනිමින් සිටින බැවින් ජාත්‍යන්තරය ඊට දැනෙන සුළු විරෝධයක් එල්ල කල යුතු බවද එම නිවේදනයේ සඳහන් කර ඇත.
ඒ අනුව ශ්‍රී ලංකාවට ලබාදී ඇති වෙළඳ හා බදු සහන ඉවත්කරගැනීමට ජාත්‍යන්තරය කටයුතු කල යුතු බවත් ලන්ඩනය කේන්ද්‍ර කරගත් ගෝලීය ද්‍රවිඩ සංසදය අවධාරණය කර ඇත.
