දිවයින ආශ්‍රිතව දැනට පවතින අධික වැසි තත්ත්වය ඉදිරි දින කිහිපයේදී තවදුරටත් පවතිනු ඇතැයි කාලගුණ දෙපාර්තමේන්තුව පවසයි.
බස්නාහිර, සබරගමුව, දකුණු,මධ්‍යම, උතුරු සහ වයඹ පළාත්වලට මි.මී. 150 ට වැඩි ඉතා තද වර්ෂාපතනයක් අපේක්ෂා කල හැකි බව කාලගුණ විද්‍යාඥයෝ අනාවැකි පළකරති.
දිවයිනේ සෙසු පළාත්වල සවස 2.00 න් පමණ පසුව වැසි හෝ ගිගුරුම් සහිත වැසි ඇති වන අතර ඇතැම් ස්ථාන වලට මි.මී. 100 ක පමණ තද වර්ෂාපතනයන්ද අපේක්ෂා කල හැක.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටින බව කාලගුණ විද්‍යා දෙපාර්තමේන්තුව වැඩිදුරටත් සඳහන් කළේය.
අද දින කාලගුණ තත්ත්වය පහතින්.
ඉදිරි දින 7ක් සඳහා කාලගුණ දෙපාර්තමේන්තුව නිකුත් කළ අනාවැකිය.
