අග්‍රාමාත්‍ය රනිල් වික්‍රමසිංහ, කතානායක කරූ ජයසූරිය සහ එජාප නියෝජ්‍ය නායක සජිත් ප්‍රේමදාස අතර අද (22) පැවති සාකච්ජාවේදී ඡන්දයක් නොපවත්වාම කෘත්‍යාධිකාරී මණ්ඩලයේ කැමැත්ත අනුව එජාපෙ ජනපති අපේක්ෂකයා තෝරා ගැනීමට එකඟතාවයක් ඇතිව ඇති බව දේශපාලන ආරංචි මාර්ග සඳහන් කර සිටී .
එසේම පක්ෂයේ කෘත්‍යාධිකාරී මණ්ඩලය සඳහා කිසිදු අලුත් සාමාජියකු පත් නොකිරීමට ද මෙහිදී තීරණය කර ඇති බව වාර්තාවේ.
කරු ජයසූරිය මහතා මෙම සාකච්ඡාව සඳහා මැදිහත්කරු ලෙස කටයුතු කර ඇති අතර මේ සම්බන්ධයෙන් තවත් සකාච්ඡාවක් හෙට (23) දින පක්ෂ නායක, අගමැති රනිල් වික්‍රමසිංහ හා නියෝජ්‍ය නායක, අමාත්‍ය සජිත් ප්‍රේමදාස අතර පැවැත්වීමට නියමිත බවත් දැනගන්නට ඇත.
