දම්පත් රණසිංහ
විදෙස්ගත ශ්‍රමිකයන්ගේ ඡන්දය හොරට දැමීමේ සූදානමක් ගැන මැතිවරණ කොමිසමට තොරතුරු ලැබී තිබේ.
ඡන්දය ප්‍රකාශ කිරීමට නොපැමිණෙන විදෙස්ගත ශ්‍රමිකයන්ගේ තොරතුරු රැස්කරමින් ඒ අයගෙක් නම් වලින් ව්‍යාඡ හැදුණුම්පත් සකස්කර එම කූඨ වංචාව කිරීමට නියමිත බව මැතිවරණ කොමිසම සදහන් කරයි.
එම වංචාව සම්බන්ධයෙන් මේ වන විටත් මැතිවරණ කොමිසමට තොරතුරු ලැබී ඇති බැවින් විදෙස්ගත ශ්‍රමිකයින් ඡන්දය ප්‍රකාශ කිරීමට පැමිණෙන විට ඡන්ද පොල නියෝජිතයින්ට විදෙස් ගමන් බලපත්‍රය ඉදිරිපත් කිරීම අනිවාර්ය කර තිබෙන බව කොමිසමේ සභාපති මහින්ද දේශප්‍රිය මහතා සදහන් කළේය.
2018 ඡන්ද හිමි නාමලේඛනයේ නම් සදහන් විදෙස්ගත ශ්‍රමිකයින් කවුරුන්දැයි ග්‍රාමසේවක නිලධාරීන් මගින් හදුනාගෙන ඇති බවත් ඒ බව ඡන්දහිමි නාමලේඛනයේ සටහන් තබා තිබෙන බවත් ඔහු සදහන් කරයි. ඒ නිසා ඡන්ද පොල නියෝජිතයෙකුට විදෙස්ගත ශ්‍රමිකයින් පහසුවෙන්ම හදුනා ගැනීමට හැකිවනු ඇති බවද ඔහු සදහන් කළේය.
විදෙස්ගත ශ්‍රමිකයින්ගේ ඡන්දය හොරට දැමීමට යම් පුද්ගලයෙක් හෝ පුද්ගල කන්ඩායමක් ඡන්ද පොලට පැමිණෙන්නේ නම් ඔවුන් හදුනා ගනිමින් අත්අඩංගුවට ගැනීමටද වැඩපිළිවෙලක් මේ වන විටත් සැළසුම්කර ඇතැයි මැතිවරණ කොමිසමේ තොරතුරු අනාවරණය කළේය.
