පැතුම් වික්‍රමරත්න
ශ්රී ලංකාවේ විදුලි බල ක්ෂේත්‍රයේ රාජ්‍ය අංශය සතු ව්‍යවසායයන්හි ප්‍රතිසංස්කරණ කඩිනම් කිරීම අත්‍යවශ්‍ය බව ජාත්‍යන්තර මූල්‍ය අරමුදල අවධාරණය කර ඇත.
රාජ්‍ය මූල්‍ය අවදානම අඩුකර ගැනීම සඳහා මෙම පියවර ගත යුතු බවද ජාත්‍යන්තර මූල්‍ය අරමුදල මෙරටට දැනුම් දී ඇත.
රාජ්‍ය ණය මට්ටමේ තිරසාරභාවය පවත්වා ගැනීම සඳහා මධ්‍යකාලීනව නව රාජ්‍ය මූල්‍ය නීති රාමුවක් සහ ස්වාධීන රාජ්‍ය ණය කළමනාකරණ ආයතනයක් පිහිටුවීමටද ශ්රී ලංකාව කඩිනම් පියවර ගත යුතු බව ජාත්‍යන්තර අරමුදල විශේෂ නිවේදනයක් නිකුත් කරමින් අවධාරණය කර ඇත.
එසේම අත්‍යවශ්‍ය සමාජ සහ ආයෝජන වියදම් සඳහා අවකාශය සලසා දෙමින්, රාජ්‍ය ණය ප්‍රමාණය අඩු කර ගැනීම සඳහා 2020 වසරේ දී රාජ්‍ය ආදායම් වර්ධනය කර ගැනීමට අඛණ්ඩ ව ප්‍රයත්න දැරිය යුතු බව ජාත්‍යන්තර මූල්‍ය අරමුදල (IMF) ශ්රී ලංකා රජය වෙත මෙහිදී යෝජනා කර ඇත.
විස්තීර්ණ ණය පහසුකමට අදාළ අරමුදල්වල මීළඟ වාරිකය ශ්රී ලංකාවට මුදා හැරීමට පහසුකම් සලසමින් ජාත්‍යන්තර මූල්‍ය අරමුදල මේ කරුණු යෝජනා කර ඇත
