දිවයිනට බලපා ඇති අධික වැසි සහිත කාලගුණ තත්ත්වයෙන් පුද්ගලයින් දෙලක්ෂ තිස්පන්දහක් අධික පිරිසක් පීඩාවට පත්ව ඇතැයි ආපදා කළමනාකරණ මධ්‍යස්ථානය පවසයි.
පවුල් 78,000කට අයත් මෙලෙස පීඩාවට පත් ජනතාවට සහන සැළසීමේ කටයුතු අඛණ්ඩව සිදු කෙරෙන බව එම මධ්‍යස්ථානය කියා සිටියි.
බදුල්ල, නුවරඑළිය හා මහනුවර දිස්ත්‍රික්කවලට නිකුත් කළ නායයාමේ අවදානම් නිවේදනය තවදුරටත් ක්‍රියාත්මක වේ.
ඉරණමඩු ජලාශයේ සියලු වාං දොරටු අද විවෘත කිරීමට නියමිතය. ඒ පිළිබඳව විමසිලිමත්වන්නැයි ජලාශය පහළ ප්‍රදේශවල වෙසෙන ජනතාවට ආපදා කළමනාකරණ ඒකක විසින් දැනුම් දෙයි.
මේ අතර නැගෙනහිර සහ ඌව පළාත්වලත් පොළොන්නරුව දිස්ත්‍රික්කයේ පවතින වැසි තත්ත්වය තවදුරටත් අපේක්ෂා කළ හැකි බව කාලගුණ විද්‍යා දෙපාර්තමේන්තුව පවසයි.
