පැතුම් වික්‍රමරත්න
නිල නිවාස හා නිල වාහන තවමත් භාර නොදුන් පසුගිය රජයේ කැබිනට් හා රාජ්‍ය අමාත්‍යවරුන්ට එරෙහිව දැඩි නීතිමය පියවර ගැනීමට රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශය සැලසුම් කර ඇත.
ඒ සම්බන්ධයෙන් අදාළ හිටපු අමාත්‍යවරුන්ට ලිඛිතව දැනුම්දීමට අමාත්‍යාංශය පියවර ගෙන ඇත.
මෙතෙක් පසුගිය රජයේ අමාත්‍යවරුන්ගේ තම නිල නිවාස හා නිල වාහන භාර දී ඇත්තේ පාඨලී චම්පික රණවක මහතා පමණක් බව ද වාර්තාවේ.
හිටපු අමාත්‍යවරුන් විසින් තමන් භාවිත කළ නිල නිවාස හා නිල වාහන මෙලෙස මෙතෙක් භාර නොදීමෙන් නව රජයේ අමාත්‍යවරුන්ට නිල නිවාස ලබාදීමට නොහැකි තත්වයක් උදාවී ඇත
