එක්සත් ජාතීන්ගේ සංවර්ධන වැඩසටහන (යූඑන්ඩීපී) විසින් නිකුත් කරන ලද මානව සංවර්ධන වාර්තාව 2019 හි පළමු නිල පිටපත මුදල් අමාත්‍යවරයා වන අගමැති මහින්ද රාජපක්ෂ මහතා වෙත පිළිගැන්වීය.
ඒ ශ්‍රී ලංකාවේ එක්සත් ජාතීන්ගේ නේවාසික සම්බන්ධීකාරක හනා සිංගර් මහත්මියගේ සහභාගීත්වයෙන් ශ්‍රී ලංකාවේ නේවාසික නියෝජිත රොබට් ජුහ්කම් මහතා විසිනි.
මෙම වාර්තාව ගෝලීය වශයෙන් නිකුත් කරන ලද්දේ 2019 දෙසැම්බර් 9 වන දින කොලොම්බියාවේ බොගෝටා හි දී එච්.ඊ. කොලොම්බියාවේ ජනාධිපති අයිවන් ඩියුක් මාකේස්, යූඑන්ඩීපී පරිපාලක අචීම් ස්ටයිනර් සහ මානව සංවර්ධන වාර්තා කාර්යාලයේ අධ්‍යක්ෂ පේද්‍රෝ කොන්සියෝ මහතා විසිනි.
‘ආදායමෙන් ඔබ්බට, සාමාන්‍යයෙන් ඔබ්බට, අදින් ඔබ්බට: 21 වන සියවසේ මානව සංවර්ධනයේ අසමානතා’ යන මාතෘකාවේ පළමු නිල පිටපත මෙලෙස පිළිගන්වා තිබේ.
ආර්ථිකය හා ප්‍රතිපත්ති සංවර්ධනය. සංවර්ධන න්‍යාය පත්‍රයට සහය දැක්වීමේදී යූඑන්ඩීපීයේ වැදගත් භූමිකාව සහ තිරසාර සංවර්ධනය සඳහා 2030 න්‍යාය පත්‍රය සාක්ෂාත් කර ගැනීම සඳහා මානව සංවර්ධනය කෙරෙහි අවධානය යොමු කිරීම පිළිබඳව රැස්වීමේදී සාකච්ඡා කරන ලදී.
මෙම න්‍යාය පත්‍රය ඉදිරියට ගෙන යාම සඳහා එක්සත් ජාතීන්ගේ ශ්‍රී ලංකා රජයට අඛණ්ඩව දක්වන බව ද සහයෝගය හනා සිංගර් මහත්මිය නැවත අවධාරණය කළාය.
