පවතින වැසි තත්ත්වය හේතුවෙන් මාතලේ දිස්ත්‍රික්කේ පවුල් 370 ක පුද්ගලයන් 1279 දෙනෙකු ස්ථාන 7ක රඳවා තිබෙන බව මාතලේ ආපදා කළමනාකරණ කාර්යාලයේ ප්‍රකාශකයෙකු සඳහන් කළේය.
ඒ අනුව දඹුල්ල ප්‍රදේශයේ ස්ථාන දෙකක යටවත්ත ප්‍රදේශයේ ස්ථාන දෙකක පල්ලේපොල ස්ථාන එකක මාතලේ ස්ථාන එකක විල්ගමුව ප්‍රදේශයේ ස්ථාන එකක පුද්ගලයන් 1279 රඳවා සිටින බවද ආපදාකළමනාකරණ ප්‍රධානී චමින්ද අමරවීර මහතා සඳහන් කළේය.
දඹුල්ල ප්‍රදේශයේ සහ මාතලේ යටවත්ත ප්‍රදේශවල නිවාස හැටක් ගංවතුර හේතුවෙන් විනාශ වී ඇතැයි ද හෙතෙම සඳහන් කළේය.
තවදුරටත් ප්‍රදේශයේ වර්ෂා පතනය ලැබීම හේතුවෙන් ජනතාවට අවදානම තත්ත්වයන් පිළිබඳව දැනුම්දීම් සිදු කරන බවත් බොහෝ ජනතාව අනතුරු ඇඟවීම් පිළිබඳව අවධානයක් යොමු නොකිරීම නිසා අවදානම් තත්වයක් පවතින බව ද චමින්ද මහතා වැඩිදුරටත් සඳහන් කළේය.
