එක්සත් ජාතික පෙරමුණට පාර්ලිමේන්තුව තුල බහුතර බලයක් ලබාගැනීම සඳහා සහයවීමට තම පක්ෂය සූදානම් බව ද්‍රවිඩ ජාතික සන්ධානය ප්‍රකාශ කර සිටී.
එසේ එක්සත් ජාතික පෙරමුණට සහය ලබා දී පිහිටුවන හවුල් රජයක්සමග එකතු වී 13 වෙනි ආණ්ඩුක්‍රම ව්‍යවස්ථාවේ සඳහන් බලය බෙදා හැරීමේ යෝජනාවලියට එහා ගිය ක්‍රමවේදයක් ක්‍රියාත්මක කිරීමට බලාපොරොත්තුවන බවද ද්‍රවිඩ ජාතික සන්ධානයේ ප්‍රකාශක පාර්ලිමේන්තු මන්ත්‍රී එම්. ඒ. සුමන්තිරන් මහතා ප්‍රකාශ කර සිටී.
ඒ අනුව ඉදිරි මහ මැතිවරණයේ ප්‍රතිඵල සලකා බලා එක්සත් ජාතික පෙරමුණට ආසන 113 ක බලය පෙන්වීමට අවශ්‍ය වුවහොත් දෙමළ ජාතික සන්ධානය ඔවුන්ට සහය පළ කිරීමට සූදානම් බව එම්. ඒ. සුමන්තිරන් සඳහන් කර සිටී.
යාපනයේ කයිට්ස් දෙමළ ජාතික සන්ධාන කාර්යාලයේ පැවති විශේෂ රැස්වීමකින් පසුව ඔහු මාධ්‍ය වෙත මේ බව කියා ඇත.
