රථ වාහන ගාල් කිරීමේ මීටර සවිකිරීමට අදාළ ගනුදෙනුවකදී සිදුවූ අක්‍රමිකතා හේතුවෙන් මේ වනවිට කොළඹ නගර සභාවට අයවිය යුතු රුපියල් මිලියන 30 කට අධික මුදලක් අහිමිවී ගොස්ඇතිබව අනාවරණය වේ.
මෙම මීටර සවිකිරීමේ කටයුත්ත භාරදී ඇති පුද්ගලික සමාගම , එම මීටර හරහා ජනතාවගෙන් අයකරගන්නා මුදල් නිසි පරිදි නගර සභාවට ලබාදී නැති බවද වාර්තාවේ.
නගර සභාව සමග අත්සන් තබා ඇති ගිවිසුමද මෙම සමාගම විසින් උල්ලංඝනය කර ඇති බවත් , එහෙදී ගෙවිය යුතු දඩ මුදල් පවා සමාගම නිසි පරිදි ගෙවා නොමැති බවත් ශ්‍රී ලංකා පොදු ජන පෙරමුණු නාගරික මන්ත්‍රීනි ශර්මිලා ගොනවෙල මහත්මිය අප වෙත පැවසීය.
මෙම අක්‍රමිකතාවයට නගර සභාවේ බලධාරීන් වගකිවයුතු බවත් , එම නිලධාරීන් මෙහිදී සමාගමට එරෙහිව නිසි පියවරයන් ගැනීම පහර හැර ඇති බවත් මන්ත්‍රීවරිය සඳහන් කළාය.
තමන් මේ පිළිබඳව පොලීසියට ද දැනුම් දුන් බවත් , ජනතාවගේ මුදල් පුද්ගලික ආයතනයක් විසින් මෙසේ අයුතු ලෙස ලබාගැනීම බරපතල වංචනික කටයුත්තක් බවත් අය පැවසීය .
