සිංහල බෞද්ධ ඉතිහාසය පිළිබිඹු වන අන්දමේ චිත්ර හා මූර්ති නිර්මාණය කොට උතුරේ ජාතිවාදය යළි ඇවිස්සීමට කටයුතු නොකරන ලෙස දෙමළ ජාතික සන්ධානය ජනාධිපතිවරයා ප්‍රමුඛ රජය වෙත ලිපියක් යොමුකරමින් ඉල්ලා සිටී.
යාපනය දිස්ත‍්‍රික් පාර්ලිමේන්තු මන්ත‍්‍රී මාවෙයි සේනාධිරාජා මහතාගේ අත්සනින් යුතුව මෙම ලිපිය නිකුත් කර ඇත.
යාපනයේ බන්ධනාගාරය ඉදිරිපිට චිත්ර ඇඳ ඒ අසල ප‍්‍රතිමා තුනක් ස්ථාපිත කිරීමට බන්ධනාගාර නිලධාරීන් ඇතුළු පිරිසක් උත්සාහ කිරීම නිසා යාපනයේ ඇති නොවිය යුතු ප‍්‍රශ්නයක් අලූතින් හටගෙන ඇති බව මාවෙයි සේනාධිරාජා මහතා ලිපියේ සඳහන් කර ඇත.
මේ චිත්ර හා ප‍්‍රතිමා මගින් සිංහල බෞද්ධ ඉතිහාසයක් යළි අනුස්මරණය කිරීමට උත්සාහ කොට ඇති නිසා යාපනයේ තරුණ කොටස් ඊට විරෝධය පළකොට ඇති බැවින් ඒ චිත්ර හා ප‍්‍රතිමා ඉවත් කිරීමට පියවර ගන්නා මෙන් මාවෙයි සේනාධිරාජා මහතා ජනාධිපතිවරයාගෙන් ඉල්ලීමක් කොටඇත.
