අමෙරිකාවේ ටෙක්සාස්හි දේවස්ථානයකට එල්ල වූ වෙඩි ප්‍රහාරයකින් පුද්ගලයන් දෙදෙනෙක් මියගොස් තවත් අයකු තුවාල ලබා තිබේ.
දේවස්ථානයේ සිටි පුද්ගලයන් විසින් ප්‍රතිප්‍රහාර එල්ල කිරීම හේතුවෙන් තැබීම සිදු කළ පුද්ගලයාද මිය ගොස් ඇති බව එරට මාධ්‍ය සඳහන් කළේය.
වෙඩි තැබීමට හේතුව සොයා විමර්ශන ආරම්භ කර තිබේ.
මෙම ප්‍රහාරය එල්ල කළ පුද්ගලයාට වෙඩි තබමින් තවදුරටත් ජීවිත හානි සිදුවීම වැළැක්වීමට පියවර ගත් පුද්ගලයන් දෙදෙනාට ස්තූතිවන්ත වන බව ටෙක්සාස් ප්‍රාන්ත ආණ්ඩුකාර ග්‍රෙග් ඇබොට් ප්‍රකාශ කර ඇත.
මෙම දේව මෙහෙය සජීවීව අන්තර්ජාලය ඔස්සේ විකාශය කරමින් තිබීම හේතුවෙන් වෙඩි තැබීම ද විකාශය වී තිබේ.
ඉහත ඡායාරූපයේ දැක්වෙන්නේ එම වෙඩිතැබීමට පැමිණි නාඳුනන තුවක්කුකරු විසින් වෙඩිතැබීමට පෙර අවිය එල්ල කරමින් සිටි අයුරුයි.
