අමෙරිකානු පැසිපන්දු සුපිරි තරුවක් වූ කෝබේ බ්‍රයන්ට් සහ ඔහුගේ දියණිය ජියානා කැලිෆෝනියාවේ කැලබාබස් නගරයේ හෙලිකොප්ටර් අනතුරකින් මියගිය පුද්ගලයින් 9 දෙනා අතර වන බව විදෙස් වාර්තා සඳහන් කරයි.
41 හැවිරිදි බ්‍රයන්ට් පෞද්ගලික හෙලිකොප්ටරයක ගමන් කරමින් සිටියදී එය පහළට පැමිණ ගිනිගෙන පුපුරා ගොස් ඇත.
එම අනතුරින් කිසිවකු දිවි ගලවාගෙන නැත.
මොහු ක්‍රීඩා ඉතිහාසයේ ශ්‍රේෂ්ඨතම ක්‍රීඩකයෙකු ලෙස සැලකේ.
ඔහුගේ හදිසි මරණය ලොව පුරා මිලියන ගණනක් වන ක්‍රීඩාලෝලීන්ගේ කම්පනයට හේතු වී ඇත.
ඔහුගේ මියයාමට ගෞරව දැක්වීම වෙනුවෙන් අමෙරිකාව පුරා පැසිපන්දු ක්‍රීඩාවලදී නිහඬත දැක්වීමට කටයුතු කර ඇත.
