ශ්‍රී ලංකාව සමඅනුග්‍රහය දැක්වු 30/1 යෝජනාවෙන් ශ්‍රී ලංකාව ඉවත් වන බව විදේශ සබඳතා අමාත්‍ය දිනේෂ් ගුණවර්ධන මහතා ස්විට්සර්ලන්තයේ ජිනිවා නුවර පැවැත්වෙන එක්සත් ජාතින්ගේ මානව හිමිකම් කවුන්සිලයේ 43 වැනි සැසිවාරය අමතමින් අද දින නිල වශයෙන් ප්‍රකාශ කළේය.
එහිදී අදහස් දක්වමින් අමාත්‍ය දිනේෂ් ගුණවර්ධන මහතා පැවසුවේ 2015 වර්ෂයේදී ශ්‍රී ලංකාව සමඅනුග්‍රහය දැක්වු 30/1 යෝජනාවෙන් ශ්‍රී ලංකාව ඉවත්වීමට ශ්‍රී ලංකා රජය තීරණය කර ඇති බවයි.
ශ්‍රී ලංකාව තුළ දේශීය යාන්ත්රණයක් හරහා සංහිඳියාව ඇති කිරීමට රජයට වැඩපිළිවෙලක් පවතින බවද අමාත්‍යවරයා ජීනිවා සැසිවාරය අමතමින් සඳහන් කළේය.
එක්සත් ජාතීන්ගේ සංවිධානයත් එහි නියෝජිත ආයතනත් සමග අඛණ්ඩව කටයුතු කරමින් දේශීය ප‍්‍රතිපත්තිවලට අනුකූලව ඔවුන්ගෙන් අවශ්‍ය පරිදි සහය ලබා ගැනීමට ශ්‍රී ලංකාව සූදානම් බවද අමාත්‍යවරයා මෙහිදී පැවසීය
දේශීයව නිර්මාණය කරනු ලැබ කි‍්‍රයාත්මක කෙරෙන සංහිදියා හා වගවීමේ යාන්ත්රණයක් මගින් තිරසර සාමය ළඟා කර ගැනීමට රජය කැපවී සිටින බවද අමාත්‍යවරයා මෙහිදී සඳහන් කළේය
