දකුණු මුහුදේදී අත්අඩංගුවට ගත් මත්ද්‍රව්‍ය තොගය සහ ඉරාන නෞකාව සැකකරුවන් සමග අද උදෑසන දික්ඕවිට ධීවර වරාය වෙත ගෙනැවිත් තිබේ.
නාවික හමුදාව සහ පොලිස් මත්ද්‍රව්‍ය නාශක කාර්යාංශය විසින් මෙම නෞකාව අත්අඩංගුවට ගෙන තිබුණේ මීට දින කිහිපයකට පෙරය.
මෙම යාත්‍රාවේ තිබි හෙරොයින් කිලෝග්‍රෑම් 400 කට ආසන්න ප්‍රමාණයක් හා අයිස් මත්ද්‍රව්‍ය කිලෝග්‍රෑම් 100 ක් පමණ සොයා ගෙන ඇත.
මෙම මත්ද්‍රව්‍ය තොගයේ වෙළෙඳපොළ මිල රුපියල් මිලියන 6000 ක් බව පැවැසේ.
ඉරාන සහ පකිස්ථාන ජාතකයින් ද ඇතුළු සැකකරුවන් 28 ක් මෙම නෞකාවේ සිට ඇත.
ඉරාන සැකකරුවන් 12ක්, පාකිස්තාන ජාතිකයන් 5 ක් හා ශ්‍රී ලාංකිකයන් 4ක් ද ඒ අතර වේ.
පසුගිය මාස 14 තුළදී නාවික හමුදාව හෙරොයින් කිලෝග්‍රෑම් 1162 ක් අත්අඩංගුවට ගෙන තිබේ.
කේරළ ගංජා කිලෝග්‍රෑම් 5000 ක් හා අයිස් මත්ද්‍රව්‍ය කිලෝග්‍රෑම් 03 ක් ඔවුන් අත්අඩංගුවට ගෙන ඇත.
