ශාන්තිකර්මයක් කිරීමට ගොස් දැරියක අපචාරයට ලක්කළ දකුණු පළාත් සභා මන්ත‍්‍රී කි‍්‍රෂාන්ත පුෂ්පකුමාර හෙවත් රත්තරන් ගාල්ල අක්මීමන පොලිස් අත්අඩංගුවට ගෙන තිබේ.
ඒ ඔහු විසින් අද පොලිසියට භාරවීමෙන් අනතුරුවයි.
ඔහුට එරෙහි පැමිණිල්ල සම්බන්ධයෙන් ඊයේ ගාල්ල මහේස්ත‍්‍රාක් අධිකරණයට කරුණු වාර්තා කිරීමෙන් අනතුරුව අද මෙලෙස ඔහු අත්අඩංගුවට ගෙන ඇත.
16 හැවිරිදි අපචාරයට ලක්වූ දැරිය පැමිණිල්ලේදී සටහන් කර ඇත්තේ සිය නැගණියට ශාන්තිකර්මයක් කිරීම සදහා පසුගිය 22 වැනිදා මන්ත‍්‍රීවරයා නිවසේ පවත්වාගෙන යන දේවාලයට ගිය බවත් පසුව තම පවුලේ අයට යළි 23 වැනිදා පැමිණෙන ලෙසත් පැවසූ බවයි.
එහිදී මව පියා සහ තමා වෙන වෙනම දේවාලය තුළට ගෙන ශාන්ති කර්ම කළ බවත් තමා ඇතුළට ගිය අවස්ථාවේදී තමාගේ සිරුරට අමනුෂ්‍ය විෂක් ශරීරගතවී ඇති බව මන්ත‍්‍රීවරයා පැවසූ බවත් දැරිය පවසා ඇත. ඉන්පසුව එය ඉවත් කළ යුතු බව පවසමින් සිදුකළ දේ පිළිබද ඇය පැමිණිල්ලේ දී හෙළිකර තිබේ.
සිරුරේ විෂ ඉවත් කිරීමට යැයි කියා දැරිය බරපතළ අපචාරයට ලක්කොට තිබීම නිසා පසුගිය 26 වැනිදා මේ පිළිබද පොලීසියට පැමිණිල්ලක් ගොනු කොට තිබුණි.
මන්ත‍්‍රීවරයා අත්අඩංගුවට ගැනුණේ ඊට අදාළ නීති කි‍්‍රයාත්මක කිරීමේදීය.
දම්පත් රණසිංහ
