පොලිස් විශේෂ කාර්ය බළකාය විසින් දෙමටගොඩ ප්‍රදේශය ආශ්‍රිතව අද පස්වරුවේ දියත් කළ විශේෂ වැටලීමේදී පාතාල නායක දෙමටගොඩ චමින්දගේ සහෝදරයා වන රුවන් නමැත්තා‌ෙගේ නිවසේ තිබී හමුවූ ගිනිඅවිවල හා මත්කුඩුවලට අමතරව සුඛෝපභෝගී වාහන, මුදල් හා රත්රන් විශාල තොගයක් ද හමුවී තිබේ.
ඒස්ටීඒෆ් නිලධාරීන් රුවන්ගේ නිවස වැටලූ අවස්ථාවේදී ඔහු පලාගොස් ඇති අතර ඒම නිවස සුඛෝපභෝගී නිවසක් බව ද ඒ් තුළ තිබී ගිනිඅවි හා මත්කුඩු තොග හමුවූ බව වාර්තා වේ.
මහල් කිහිපයකින් යුත් ඒම නිවසේ ඉහළම මහල කායවර්ධන ඒ්කකයක් පිහිටුවා ඇති බවත් පැවසේ.
පසුගියදා පැවැති එම ප්‍රදේශයේ විහාරයක කථින පිංකම භාරව සිට ඇත්තේ ෙමෙම රුවන් නමැත්තාගේ පවුල ය.
මීට පෙර ඒ් ආශ්‍රිත විහාරවල පෙරහැරවල් සදහා පොලිස් ආරක්ෂාව ඉල්ලා සිටියද ලැබී නොමැති මුත් මෙම කථින පෙරහැර වෙනුවෙන් පොලිස් හදිසි ඇමතුම් 119 ජංගම මෝටර් රථයක්, ජංගම පොලිස් යතුරුපැදි හා පොලිස් නිලධාරීන් විශාල සංඛ්‍යාවක් යොදවා දැඩි පොලිස් ආරක්ෂාවක් ලබාදුන් බව වාර්තා වේ.
පාතාල නායක දෙමටගොඩ චමින්ද, භාරත ලක්ෂ්මන් ඝාතනය සම්බන්ධයෙන් වරදකරුවකු වී මරණ දඩුවම ලබා සිරගතව සිටියි.
දම්පත් රණසිංහ
