කොවිඩ් 19 වෛරසයෙන් මෙරට පුද්ගලයින් 10 දෙනෙක් මියගොස් ඇති බවට ව්‍යාජ තොරතුරක් සමාජ මාධ්‍ය ඔස්සේ ප්‍රසිද්ධ කළ පුද්ගලයෙක්ව ලබන 01 වෙනිදා දක්වා රක්ෂිත බන්ධනාගාර ගත කරන ලෙස කොළඹ කොටුව මහේස්ත්‍රාත් රංග දිසානායක මහතා අද 25 නියෝග කරනු ලැබීය.
එම සැකකරුව අත්අඩංගුවට ගෙන ඇත්තේ අපරාධ පරීක්ෂණ දෙපාර්තමේන්තුවේ සයිබර් අපරාධ විමර්ශන අංශය විසින් ඊයේ ( 24)දිනයේදීය.
හෝමාගම පිහිටි පුද්ගලික විශ්ව විදයාලයක පරිපාලන නිලධාරියෙක් වන එම පුද්ගලයා එම ව්‍යාජ පුවත සමාජ මාධ්‍ය ඔස්සේ ප්‍රසිද්ධකර ඇත්තේ පසුගිය 23 වෙනිදාය.
එම ව්‍යාජ පුවත සමාජ මාධ්‍ය වෙත මුදාහැර ඇත්තේද ව්‍යාජ ෆේස් බුක් ගිණුමක් හරහා බවද අනාවරණය වී තිබේ.
