දුම්රිය රියදුරන් අද (5) මධ්‍යම රාත්‍රීයේ සිට අඛණ්ඩ වැඩ වර්ජනයක් ක්‍රියාත්මක කිරිමට තීරණය කර ඇතැයි ලොකෝමෝටිව් ඔපරේටින් ඉංජිනියර්ස් රියදුරු සංගමයේ ප්‍රධාන ලේකම් ඉන්දික දොඩම්ගොඩ මහතා පැවසීය.
දුම්රිය රියදුරන් බඳවා ගැනීමේ පටිපාටිය උල්ලංඝණය කරමින් වයස අවුරුදු 45 ට වැඩි දුම්රිය සේවකයින් 12 දෙනෙකු දුම්රිය රියදුරන් ලෙස බඳවා ගැනීමට බලධාරීන් ගෙන තිබෙන තීරණයට විරෝධය දක්වා මෙම දුම්රිය රියදුරු වර්ජනය ක්‍රියාත්මක කරන බව ද කී ලේකම් ඉන්දික මහතා වර්ජනය හේතුවෙන් මගීන්ට සිදුවන අපහසුතාවය ගැන සංගමය කණගාටුව ප්‍රකාශ කරන බවද කීය.
