නාවික භටයින් 30 දෙනෙකුට කොවිඩ් 19 වෛරසය ආසාදනය වී ඇති බව තහවුරු වී ඇතැයි යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා මහතා අද (23) මීට සුළු මොහොතකට පෙර ප්‍රකාශයක් සිදු කරමින් පැවසීය.
මේ අනුව මේ වනවිට මෙරටින් හමුවූ කොරෝනා රෝගීන් සංඛ්‍යාව 368 දක්වා ඉහළ ගොස් ඇත. වැඩිම කොරෝනා රෝගීන් ගණන වන 38 අද වාර්තා වී තිබේ.
ශ්‍රී ලංකා නාවික හමුදාවට අයත් නාවික භටයකුට හදිසියේ ඇති වූ අසනීප තත්ත්වයක් මත කරන ලද PCR පරීක්ෂණයෙන් එක් නාවික භටයකුට කොවිඩ් 19 වෛරසය ආසාදනය වූ බවට තහවුරු විය.
ඒ අනුව ඔහු සේවය කළ වැළිසර නාවික හමුදා කදවුරේ ඔහු ජීවත් වූ භට නිවාසය, වහාම නිරෝධායනයට ලක් කිරීමට කටයුතු කර තිබේ.
එම භට නිවාසයේ සිටි සියලුම අය නිරෝධායනයට ලක් කිරීමටත්, එ ම සියලු නාවුක නැවියන්, පී සී ආර් පරීක්ෂණයට භාජනය කර ඇත.
පරීක්ෂණවල ප්‍රතිඵල ලැබී ඇති අතර ආසාදනය වූ නැවියා ඇතුළු 30 දෙනෙකුට කොවීඩ් 19 ආසාදනය වී ඇති බවට මේ වනවිට තහවුරු වී තිබේ.
