මූල්‍ය සමාගම් සහ ලීසිං සමාගම් සිදුකරන අක්‍රමිකතාවයන් සහ නීති විරෝධී ක්‍රියාවන් සොයා බලා වාර්තා කිරීමට මහ බැංකුව විසින් ත්‍රිපුද්ගල කමිටුවක් පත්කර ඇත.
ජනාධිපති නීති අධ්‍යක්‍ෂ ජනරාල් නීතිඥ හරිගුප්ත රෝහණධීර මහතාගේ ප්‍රධානත්වයෙන් යුතු මෙම කමිටුවේ සෙසු සමාජිකයන් ලෙස ශ්‍රී ලංකා මහ බැංකුවේ නීති අධ්‍යක්‍ෂ කේ.ජී.පී සිරිකුමාර, මහ බැංකුවේ නොවන මූල්‍ය සමාගම් කළමනාකරණය කිරීමේ අංශයේ අධ්‍යක්‍ෂ ජේ.පී ගම්ලත් මහත්වරු කටයුතු කරති.
මූල්‍ය සමාගම් සහ ලීසිං සමාගම් සිදුකරන අක්‍රමිකතාවයන් සහ නීති විරෝධී ක්‍රියාවන් සොයාබලා, ඒ සඳහා ගතයුතු ඉදිරි පියවර හා නිර්දේශයන් පිළිබඳ වාර්තාවක් දින 14 ඇතුළතදී තමාට ලබාදෙන ලෙස මහබැංකු අධිපතිවරයා මෙම කමිටවුට නියෝග කර ඇත.
