ඉදිරි මහ මැතිවරණයට අදාළ තැපැල් ඡන්ද ප්‍රකාශ කිරීමේදී 20 සහ 21 දිනවල ඒ ඒ දිස්ත්‍රික් මැතිවරණ කාර්යාලවල දී තැපැල් ඡන්දය සලකුණු කිරීමට නොහැකි වූ අයට ඒ සඳහා ලබන 24 සහ 25 යන දිනවලදී විශේෂ කාල සීමාවක් ප්‍රකාශයට පත් කර තිබේ.
ඒ අනුවතැපැල් ඡන්ද සලකුණු කිරීම සඳහා වූ විශේෂ කාලසීමාව ලබන 24 පෙරවරු 8.30 සිට පස්වරු 4.00 දක්වා ද ලබන 25 වැනි දා පෙරවරු 8.30 සිට පස්වරු 2.00 දක්වා ද ප්‍රකාශයට පත්කර ඇත .
මෙතෙක් සිය තැපැල් ඡන්දය සලකුණු කිරීමට අපොහොසත් වූ තැපැල් ඡන්ද හිමියන්ට තම කාර්යාලයේ පිහිටි දිස්ත්‍රික්කයේ, දිස්ත්‍රික් මැතිවරණ කාර්යාලයේ දී මෙම පහසුකම සලසා ගත හැකි බව මැතිවරණ කොමිසම නිවේදනය කරයි.
සලකුණු නොකරන ලද තැපැල් ඡන්ද පැකට්ටු මේ දක්වා තමන්ගේ භාරයේ රඳවා ඇති තැපැල් ඡන්ද සහතික කිරීමේ නිලධාරීන් ඇතොත් කඩිනමින් එම පැකට්ටු රැගෙන ගොස් සහතික කිරීමේ නිළධාරි කාර්යාලය පිහිටි දිස්ත්‍රික්කයේ දිස්ත්‍රික් මැතිවරණ කාර්යාලය වෙත ලබන 23 වැනි දින හෝ එදිනට පෙර භාරදීමට කටයුතු කරන ලෙසද කොමිසම දන්වා සිටී.
ලබන 24 සහ 25 යන දිනවල තැපැල් ඡන්ද විමසීම සඳහා ඡන්ද පොළේ දී පිළිගන්නා හැඳුනුම්පත් (ජාතික හැඳුනුම්පත, වලංගු ගුවන් ගමන් බලපත්‍රය, වලංගු රියදුරු බලපත්‍රය, ජාතික හැඳුනුම්පත් අංකය සඳහන් වන රාජකාරි රාජකාරී හැඳුනුම්පත, මැතිවරණ කොමිෂන් සභාව විසින් නිකුත් කරන ලද තාවකාලික හැඳුනුම්පත) ඉදිරිපත් කර ඡන්ද දායකයා තම අනන්‍යතාව තහවුරු කළ යුතු බවද මැතිවරණ කොමිෂන් සභාව සිහිපත් කර සිටී.
