ප්‍රබෝධා හෙට්ටිආරච්චි
පළාත් සභා මැතිවරණය කඩිනමින් පැවැත්වීමට අදාළ යෝජනාවක් අද (14) දිනයේ කැබිනට් මණ්ඩලයට ඉදිරිපත් කරන බව පළාත් සභා හා පළාත් පාලන අමාත්‍ය ජනක බණ්ඩාර තෙන්නකොන් මහතා පවසයි.
වසර 3 කට අධික කාලයක් පළාත් සභා මැතිවරණය කල්දමා ඇත.
එබැවින් එය කඩිනමින් පැවැත්වීමට අදාළ ක්‍රියාමාර්ග ගන්නා ලෙස ජනාධිපතිවරයා සහ අග්‍රාමාත්‍යවරයා තමන්ට දැනුම්දුන් බව ජනක බණ්ඩාර තෙන්නකෝන් අමාත්‍යවරයා පවසයි.
ඒ අනුව අද රැස්වන කැබිනට් මණ්ඩලයට අදාළ යෝජනාව ඉදිරිපත් කර සම්මත කර ගැනීමට නියමිතය.
රටේ මතුවූ වසංගත තත්ත්වය හමුවේ මෙවරත් අමාත්‍ය මණ්ඩල රැස්වීම අන්තර්ජාලය ඔස්සේ පැවැත්වීමට කටයුතු යොදා තිබේ.
