පාස්කු ප්‍රහාරය සම්බන්ධයෙන් කරුණු සොයා බලන ජනාධිපති කොමිසමේ කාලය ලබන ජනවාරි මාසය දක්වා දීර්ඝ කර තිබේ.
කොමිසමේ කාලය දෙසැම්බර් 21 වැනිදායින් අවසන් වීමට නියමිතය.
නමුත් ඉතා වැදගත් සාක්ෂි කිහිපයක් ලබාගැනීමට ඇති බැවින් ඒ සඳහා තවත් කෙටි කාලයක් කොමිසම විසින් ඉල්ලා තිබේ.
ඒ හේතුවෙන් ජනාධිපතිවරයා විසින් ජනවාරි තෙක් එම කොමිසම දීර්ඝ කර ඇති බව ආරංචි මාර්ග පවසයි.
මෙම කොමිසම පිහිටුවා වසරකුත් මාස අටක් ගත වී ඇති අතර මීට පෙර තුන්වතාවක් එම කොමිසමේ කාලය දීර්ඝ කෙරිණි.
ජනවාරි මාසයෙන් අනතුරුව නැවත මෙම කොමිසමේ කාලය දීර්ඝ නොකරන බවද වාර්තාවේ.
කොමිසමේ වාර්තාව ජනවාරියේ බාරදීමට නියමිත බව ද සඳහන් ය.
