පැතුම් වික්‍රමරත්න
ඕස්ට්‍රේලියානු රජය අනුගමනය කරන කාලගුණ විපර්යාස පිළිබඳ ප්‍රතිපත්ති ප්‍රමාණවත් නොවන බව පවසමින් දස දහසකට අධික එරට පාසල් සිසුන් ප්‍රමාණයක් වීදි බැස උද්ඝෝෂණ ව්‍යාපාර ආරම්භ කර ඇත.
මේ හේතුවෙන් මේ වනවිට ඕස්ට්‍රේලියාව පුරා පාසල් රැසක් වසාදමා ඇතැයි විදෙස් මාධ්‍ය වාර්තා කර සිටී .
කාලගුණ විපර්යාස සම්බන්ධව රජය ගෙන ඇති ක්‍රියාමාර්ග අසමත් බවද මෙම පාසල් සිසුන්ගේ ප්‍රධානතම සටන් පාඨයක් ව ඇත .
ඕස්ට්‍රේලියාව පුරා මෙම විරෝධතා උණුසුම්ව පැතිර යමින් පවතින අතර මේ වනවිට ඕස්ට්‍රේලියාව රාජ්‍ය මට්ටමින් මෙම විරෝධතා සමනය කිරීමට මැදිහත්වී ඇති බවද වාර්තා වේ.
මෙල්බන්, සිඩ්නි, ඇඩිලේඩ්, කැන්බරා සහ හොබට් ඇතුලු ඕස්ට්‍රේලියාවේ ප්‍රධාන නගර කේන්ද්‍රකරගනිමින් විරෝධතාකරුවන් දස දහස් ගණනින් එකතුවී සටන් පාඨ සහිත පෝස්ටර්, බැනර් ප්‍රධර්ශනය කරමින් විරෝධතාවල නිරතව සිටිති.
විරෝධතාකරුවන් වැඩිදුරටත් පවසා සිටින්නේ තමන්ට හිමි අනාගතය විනාශකර නොදමන ලෙසය.
මීට මාස පහකට පමණ පෙර මෙම විරෝධතා ආරම්භ වූ අතර ෙමේ වනවිට අති විශාල සිසුන් සංඛ්‍යාවක් විරෝධතා සඳහා එක්ව ඇත.
