පැතුම් වික්‍රමරත්න
ලොව ශ්‍රේෂ්ඨතම හා ආකර්ශනීයම ප්‍රදර්ශන (show ) පහ අතරට ශ්‍රී දළදා මාළිගාවේ ඇසල පෙරහැර නම් කිරීමට ලෝකප්‍රකට “ද ට්‍රැවලර්” වෙබ් අඩවිය කටයුතු කර ඇත.
ශ්‍රී දළදා මාළිගාවේ පෙරහැරේ තිබෙන සුවිශේෂී සංස්කෘතික නර්තනයන් සහ විශේෂාංග ලොව අන් කවර තැනකදීවත් දැක බලා ගැනීමට නොහැකි බව එම වෙබ් අඩවිය සඳහන් කර ඇත.
මෙම වසරේ අගෝස්තු මාසයේදී සංචාරය කිරීමට බලාපොරොත්තුවන සංචාරකයෙක් නම් ඔවුන් ශ්‍රී ලංකාවේ මහනුවර නගරයට පැමිණ ශ්‍රී දළදා මාළිගාවේ ඇසල පෙරහැර නැරඹීම වඩාත් යෝග්‍ය බවද එම වෙබ් අඩවිය වාර්තා කර ඇත..
ශ්‍රී දළදා මාළිගාවේ ඇසල පෙරහැර විචිත්‍රවත් කිරීමට අලි ඇතුන් සහ උඩරට නර්තනයන් ගෙන් සපිරුණු අයුරු දැකීම මනස්කාන්ත දර්ශනයක් බවද එම වෙඩි අඩවිය මගින් ලොව පුරා සංචාරකයින් හට දැනුම් දී ඇත.
මීට අමතරව ජපානයේ ” මල් උත්සවය ” , මොන්ගෝලියාවේ ගින්ගිස්තාන් අධිරාජයා සැමරීමේ උත්සවය , පුෂ්කර් හි ඔටුවන්ගේ විලාසිතා දැක්ම , හා චීනයේ පූර්ණ සූර්යග්‍රහණය මෙම වෙබ් අඩවිය වෙසින් සෙසු ආකර්ශනීය දර්ශන ලෙස නම් කර ඇත
