කොරෝනා වෛරස් වසංගතයට එරෙහිව සටන් කිරීම සඳහා යුක්රේනය අද (8) සිට රටම ලොක්ඩවුන් කිරීමට පියවර ගෙන ඇත.
ඒ අනුව අද මධ්‍යම රාත්‍රි 12 සිට ලබන 25 වැනිදා මධ්‍යම රාත්‍රිය තෙක් දින 16ක් පුරා මෙය තදින්ම ක්‍රියාත්මක වේ.
දැනටමත් එරට පාසල්, අවන්හල් සහ ජිම් වසා දමා ඇති අතර දැඩි ලොක්ඩවුන් කොන්දේසි ඇතුළත් කර ඇත.
එරට මිලියන 41 ක ජනතාවක් වෙසෙති.
යුක්රේනයේ කොරෝනා වයිරස් ආසාදන සැප්තැම්බර් මාසයේදී යළිත් ඉහළ යාමට පටන් ගත් අතර එය සාපේක්ෂව පෙරට වඩා මේ වනවිට ඉහළ මට්ටමක පවතී.
ජනවාරි 8 වනදා වන විට රට තුළ කොරොන වයිරස් රෝගීන් මිලියනයකට වඩා වාර්තා වී ඇති අතර මරණ 19,588 කි.
යුක්රේනය වසංගතයේ උච්චතම අවස්ථාව ගෙවමින් සිටින වන අතර දෙසැම්බර් මස මුලදී ජනවාරි අගුලු දැමීම පිළිබඳව රජය තීරණය කර තිබුණි.
නව රෝගීන් සංඛ්‍යාව දිනකට 12,000-14,000 ක් පමණ විය.
විනෝදාස්වාද මධ්‍යස්ථාන වැසීම සහ මහජන රැස්වීම් තහනම් කිරීම ඇතුළු නව ක්‍රියාමාර්ග ජනවාරි 24 වන දින දක්වා ක්‍රියාත්මක වේ.
මේ වනවිට නියමු ව්‍යාපෘතියක් යටතේ මෙරටට යුක්‍රේන සංචාරකයන් විශාල පිරිසක් බබල් ට්‍රැවල් ක්‍රමය යටතේ සංචාරයට පැමිණ සිටී.
