ශී‍්‍ර ලංකාවේ අධිකරණ ක්‍ෂේත‍්‍රයට සහායවීම, ආහාර සුරක්‍ෂිතතාව වර්ධනය හා දේශගුණික විපර්යාස අවම කිරීමේ වැඩපිළිවෙලවල් සඳහා සහායදීම වෙනුවෙන් යුරෝ මිලියන 35.75 ක ආධාර මුදල් මෙරටට පිරිනැමීමට යුරෝපා සංගමය කටයුතු යොදා ඇත .
මේ සදහා වන ගිවිසුම් 3 ක් අත්සන් කිරීම පසුගියදා ,මහාභාණ්ඩගාර ලේකම් එස් ආර් ආටිගල මහතා සහ මෙරට යුරෝපා සංගම් දුත මණ්ඩල තානාපති ඩෙනිෂ් ෂයිබි මහතා විසින් සිදුකෙරිණ .
ඒ අනුව අදාළ ගිවිසුම් හරහා මෙරටට පිරිනැමෙන ආධාර ප්රමාණය ශී‍්‍ර ලංකා මුදලින් රුපියල් බිලියන 8.26 ක් වන බවයි කොළඹ පිහිටි යුරෝපා සංගමයේ තානාපති කාර්යාලය සදහන් කළේ.
මෙම ගිවිසුම් ති‍්‍රත්වය හරහා ලැබෙන මුදල් අධිකරණ පද්ධතිය ශක්තිමත් කිරීම, හරිතාගාර වායුවිමෝචනය අවම කිරීම, ආහාර සුරක්‍ෂිතතාව දියුණු කිරීමට සහ උසස් තත්ත්වයෙන් යුතු අපනයන භාණ්ඩ නිපදවීමේ ශී‍්‍ර ලංකා රජයේ වැඩපිළිවෙලට ශක්තියක් වනු ඇති බවද මෙරට යුරෝපා සංගම් දුත මණ්ඩල තානාපතිවරයා සදහන් කළේය .
ඒ යටතේ අධිකරණ පද්ධතිය ශක්තිමත් කිරීමේ වැඩසටහන වෙනුවෙන් ලබාදෙන මුදල යුරෝ මිලියන 18 හෙවත් රුපියල් බිලියන 4.16 ක් වේ
