ගාල්ල සිට කොළඹ බලා ධාවනය වූ සුඛෝපභෝගී බස් රථයක් අද උදෑසන කොස්ගොඩදී පරික්ෂා කිරීමේදී අයිස් මත්ද්රව්ය කිලෝ 18ක් සමග එය පැදවූ 27 හැවිරිදි තරුණයා අත්අඩංගුවට ගෙන තිබේ.
මෙම තරුණයා විවිධ ස්ථානවල එම බසය නවත්වා අයිස් මත්ද්රව්ය බෙදා හැර ඇති බවට මූලික විමර්ශනවලදී අනාවරණය වී ඇත.
ඉන්දියාවේ දී පසුගියදා මියගිය මත්ද්රව්ය ජාවාරම්කරුගේ ගෝලයකු විසින් මෙම ජාවාරම මෙහෙයවා ඇති බවට අනාවරණය වී තිබේ.
පොලිස් මත්ද්රව්ය නාශක කාර්යංශය, විශේෂ කාර්ය බලකාය සහ නාවික හමුදාව එක්ව මැද පෙරදිග කලාපයේ සිට සහ මෙරටට එන මත්ද්රව්ය ජාවාරම් මාර්ග නිරන්තරයෙන් වැටලීම හේතුවෙන් හෙරොයින් ආදි මත්කුඩු ජාවාරම පහත වැටී ඇති නමුත් මේ වන විට අයිස් වැනි කෘතිම මත්ද්රව්ය ජාවාරම් කිරීමේ ප්රවණතාවක් දක්නට ලැබෙන බව පොලිස් නීති කොට්ඨාශයේ නියෝජ්ය පොලිස්පති අජිත් රෝහණ මහතා සඳහන් කළේය.