චෙක් ජනරජයේ ධනවත්ම පුද්ගලයා ලෙස සැළැකෙන පීටර් කෙල්නර් ඇලස්කාවේ හෙලිකොප්ටර ගමනක යෙදී සිටියදී අනතුරට ලක්ව මිය ගොස් තිබේ.
ඇන්කොරේජ් සිට සැතපුම් 50 ක් නැගෙනහිර දෙසින් අනතුර සිදුව ඇත.
56 හැවිරිදි කෝටිපතියෙකු වන චෙක් ජනරජයේ ධනවත්ම පුද්ගලයා වන පීටර් පීපීඑෆ් සමූහයේ නිර්මාතෘවරයා විය. පීපීඑෆ් සමූහය ප්‍රධාන වශයෙන් යුරෝපය, ආසියාව සහ එක්සත් ජනපදය යන රටවල ව්‍යාපාරවල රක්ෂණ, මූල්‍ය, විදුලි සංදේශ, නිෂ්පාදන, මාධ්‍ය හෝ ජෛව තාක්ෂණයට සම්බන්ධ විය.
1990 දශකයේ මුල් භාගයේ කාර්යාල සැපයුම් විකිණීමෙන් ව්‍යාපාරය ආරම්භ කළ ඔහු ඩොලර් බිලියන 17.5 ක ඇස්තමේන්තුගත ධනයකට හිමිකම් කියමින් ෆෝබ්ස් සඟරාව මඟින් ප්‍රකාශයට පත්කරන ලෝක බිලියනපතියන්ගේ ලැයිස්තුවේ අංක 68 ස්ථානයට පත්විය.
ඔහු ආයෝජන අරමුදලක් ආරම්භ කළ අතර එය පුද්ගලීකරනය කිරීමේදී විශාලතම චෙක් රක්ෂණ සමාගමෙහි කොටස් මිලදී ගැනීමට භාවිතා කළේය.
