පැතුම් වික්‍රමරත්න
මෙරටින් වාර්තා වූ කොරෝනා ආසාදිතයින් සම්භන්ධයෙන් සිදුකරන ලද ජානමය අනුක්‍රමණ පරීක්ෂණ වලදී දකුණු අප්‍රිකාවෙන් වාර්තාවූ කොවිඩ් ප්‍රභේදය ආසාදනය වූ ආසාදිතයින් දෙදෙනෙකු හමුවී ඇති බව ශ්‍රී ජයවර්ධනපුර විශ්ව විද්‍යාලයේ ආසාත්මිකතා හා ශෛල ජෛව විද්‍යාතනයේ අධ්‍යක්ෂ වෛද්‍ය ආචාර්ය චන්දිම ජීවන්දර මහතා ප්‍රකාශ කර සිටී
මෙම ආසාදිතයින් දෙදෙනා කටාර් හි සිට මෙරටට පැමිණ නිරෝධායන මධ්‍යස්ථානවල සිටියදී ආසාදිතයින් ලෙස හඳුනා ගෙන ඇති බවද වෛද්‍ය චන්දිම ජිව්න්දර මහතා මාධ්‍ය වෙත සඳහන් කළේය .
මේ අතර සපුගස්කන්ද, බත්තරමුල්ල ප්‍රදේශයේ වැඩිහිටි නිවාසයකින්, මන්නාරම, යාපනය (1 සාම්පලයක්), කොළඹ සහ කෑගල්ල යන ප්‍රදේශයෙන් වාර්තා වූ කොවිඩ් ආසාදිතයින් ගේ වෛරස් සාම්පල් පරීක්ෂණයේදී ඒවා අතරින් ඇතැම් වෛරස් සාම්පල් වල යම් විකෘති භාවයක් පෙන්නුම් කළ බවත් ඒ සම්බන්ධයෙන් ඉදිරි විමර්ශන සිදුකරනු ලබන බවත් වෛද්‍ය චන්දිම ජිවන්දර මහතා සඳහන් කළේය .
මේ අතර බ්‍රිතාන්‍යයෙන් හමුවූ B.1.1.7 වෛරස් ප්‍රභේදය ආසාදනය වූ පුද්ගලයින් 07 දෙනෙකු මෙරටින් හමුව ඇති අතර ඉන් 6 දෙනෙකු නිරෝධායන මධ්‍යස්ථාන තුලින්ද අනෙක් තැනැත්තා මුහුදු මාර්ගය ඔස්සේ නීතිවිරෝධී භාණ්ඩ ප්‍රවාහනය සඳහා අත්අඩංගුවට පත්වූ ධීවරයෙක් වන බවත් වාර්තාවේ
මේ අතර ඩෙන්මාර්කයේ හා ඉරාකයේ ව්‍යාප්තවන B.1.428 කොවිඩ් ප්‍රභේදය ආසාදනය වූ අසාදිතයින් තිදෙනෙකු කොළඹ ප්‍රදේශයෙන් වාර්තා වී ඇති අතර එම පුද්ගලයින්ගේ සාම්පල් බුද්ධි අංශ විසින් ලබාදී ඇති බවද ශ්‍රී ජයවර්ධනපුර විශ්ව විද්‍යාලයේ ආසාත්මිකතා හා ප්‍රතිශක්ති විද්‍යාව සහ ශෛල ජෛව විද්‍යාතනයේ අධ්‍යක්ෂ වෛද්‍ය ආචාර්ය චන්දිම ජීවන්දර මහතා මාධ්‍ය වෙත සඳහන් කළේය .
