පැතුම් වික්‍රමරත්න
දිළිදු රටවලට කොවිඩ් මර්දන එන්නත් බෙදා දීමේ කොවැක්ස් වැඩසටහන අඛණ්ඩව ක්‍රියාත්මක කරගෙන යාමට ප්‍රමාණවත් එන්නත් මාත්‍රා නොමැති බව ලෝක සෞඛ්‍ය සංවිධානය ප්‍රකාශ කර ඇත .
එම සංවිධානයේ ජේ්‍යෂ්ඨ උපදේශක බෲස් අයිල්වර්ඩ් මහතා මාධ්‍ය වෙත ප්‍රකාශ කර ඇත්තේ කොවැක්ස් වැඩසටහන යටතේ රටවල් 131කට එන්නත් මාත්‍රා මිලියන 90ක් ලබා දි ඇති බවයි.
එහෙත් ලොව පුරා තවමත් පැතිර යමින් ඇති කොරෝනා වෛරසයෙන් ජනාතාව ආරක්ෂා කර ගැනීම සඳහා එම එන්නත් ප්‍රමාණවත් නොවන බව ඔහු පෙන්වා දී තිබෙ.
ධනවත් රටවල් විසින් අවශ්‍ය ප්‍රමාණයටත් වඩා එන්නත් රැස් කිරීම ලොව පවතින කොවිඩ් මර්දන එන්නත් හිගයට හේතුවක්.වන බවද ඒ මහතා සඳහන් කර ඇත.
