ගොවීන්ට අවශ්‍ය සියලු පොහොර දින තුනක් ඇතුළත නිකුත් කළ යුතු බව කෘෂිකර්ම අමාත්‍ය මහින්දානන්ද අලුත්ගමගේ මහතා පෞද්ගලික පොහොර සමාගම් නිලධරයන් අමතමින් අද (14) පැවසීය.
එසේ නොමැති වුවහොත් පොහොර බෙදා හැරිම රාජ්‍ය පොහොර සමාගම් හරහා සිදුකරන බවද අමාත්‍යවරයා මෙහිදී පැවසීය
කෘෂිකර්ම අමාත්‍ය මහින්දානන්ද අළුත්ගමගේ සහ කෘෂිකර්ම රාජ්‍ය අමාත්‍ය ශෂින්ද්‍ර රාජපක්ෂ මහත්වරුන් පෑලියගොඩ සහ කැළණිය ප්‍රදේශවල ඇති පෞද්ගලික පොහාර සමාගම්වල ප්‍රධාන ගබඩා සංකීර්ණ හදිසි නිරීක්ෂණයකට ලක් කිරීමෙන් අනතුරුව කෘෂිකර්ම අමාත්‍යවරයා මේ බව මාධ්‍ය වෙත සඳහන් කළේය.
රටේ පෙහොර හිඟයක් පැවතියද පෞද්ගලික සමාගම් සිය ගබඩාවල පෙහොර තොග විශාල වශයෙන් තබාගෙන සිටින ආකාරය තමන් නිරීක්ෂණය කළ බව කෘෂිකර්ම අමාත්‍යවරයා කීය.
දෛනිකව නිකුත් කළ හැකි පෙහොර ප්‍රමාණයන් නිකුත් නොකොට අඩු ප්‍රමාණයක් පොහාර නිකුත් කිරීමට සමාගම් ක්‍රියා කිරීම සම්බන්ධව ද අමාත්‍යවරයා මෙහිදී ප්‍රශ්න කළේය.
