නවතම පුවත්

කට්ට නිසා 10%ක් එන්නත මඟහරී

උමංග බණ්ඩාර

උමංග බණ්ඩාර


පැතුම් වික්‍රමරත්න

කොවිඩ් මර්දන එන්නත ලබාගත හැකි මෙරට ජනගහනයෙන් සියයට දහයකට ආසන්න පිරිසක් එන්නත් කටුවලට ( සිරින්ජර) ඇති බිය නිසා එන්නත් ලබා ගැනීම මගහරින බව පෙනී ගොස් ඇතැයි කොළඹ රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා මාධ්‍ය වෙත  පැවැසීය.

මෙම මානසික තත්වය එන්නත් කටු බිය (NEEDLE PHOBIA) ලෙස හැඳින්වෙන බවද හෙතෙම සඳහන් කළේ‍ය.

මේ පිරිස් එන්නත් ලබාගැනීමේදී අධික වේදනාකාරී තත්වයක් ඇතිවේ යැයි අස්ථාන බියකින් පසුවන බවත් එන්නතක් ලබා ගැනීම කිසිසේත්ම වේදනාකාරී අත්දැකීමක් නොවන බවත් විශේෂඥ වෛද්‍යවරයා පැවසුවේය.

එන්නතක් ලබා ගැනීමේදී ඇතිවන වේදනාව මදුරුවකු කනවා හා සමාන යැයිද දීපාල් පෙරේරා මහතා කිවේය.

එන්නත් කටුවලට බියවී එන්නත ලබා ගැනීම මගහරින පිරිස් අතර වයස 60 ට වැඩි කොරෝනා අධි අවදානම් අයද සිටින බව ඔහු පැවසුවේය.

මුළු ලෝකයේම එන්නත් කටුවලට බිය සියයට දහයක් පමණ සිටින බව වෛද්‍ය පර්යේෂණ වාර්තා විශ්ලේෂණයේදී පෙනී යන්නේ යැයි පැවසූ විශේෂඥ වෛද්‍යවරයා කොවිඩ්වලින් මරණයට පත්වීම වැළැක්වීමට ඇති එකම විසඳුම එන්නත්කරණය හෙයින් නොපමාව එන්නත ලබා ගන්නැයි ජනතාවගෙන් ඉල්ලීමක් කරන බවද පැවැසීය.

ප්‍රබෝධා හෙට්ටිආරච්චි

කොවිඩ් මර්දනය සඳහා කෙරෙන එන්නත්කරණයේදී ප්‍රතිශක්තිය වැඩිකිරීමේ තුන්වැනි මාත්‍රාව හෙවත් Booster shot ලබාදීමේ තාවකාලික තහනම 2021 අවසානය වනතෙක් දීර්ඝ කරන ලෙස ලෝක සෞඛ්‍ය සංවිධානය පවසයි.

ධනවත් රටවල් සිය එන්නත්කරණ ඉලක්ක පසුකර යමින් සිටියද ඇතැම් දුප්පත් රටවල් එම ඉලක්ක සපුරා ගැනීමට ආසන්නයේවත් නොමැති බැවින් මෙම තහනම දීර්ඝ විය යුතු බව එහි ප්‍රධානී ආචාර්ය ටෙඩ්‍රොස් අද්නාම් ගෙබ්‍රෙයිසස් කියාසිටී.

එබැවින් එන්නත් හිඟයක් ඇතිවීම වැළැක්වීමට හා එන්නත් අසමතුලිතතාව අවම කිරීම උදෙසා තුන්වෙනි මාත්‍රාවක් ලබා දීම කල් දමන්නැයි හෙතෙම අවධාරණය කර තිබේ.

ඉහළ ආදායම් ලබන රටවල් වලින් 90% ක්ම කොවිඩ් -19 එන්නත් කිරීමේ ඉලක්කය 10% ට ඉක්මවා තිබෙන අතර 70% කට වඩා රටවල් 40% ඉලක්කයටත් පැමිණ ඇත. එහෙත් අඩු ආදායම් ලබන රටවල්වලින් එකක්වත් එම ඉලක්කය සපුරා නැති බව හෙතෙම කියා සිටී.

prathibha
ප්‍රතිපත්තිමය වෙනස්කම් සඳහා පුරවැසි සංවිධාන ශක්තිමත්විය යුතුයි - ප්‍රතිභා මහානාමහේවා
image
DIGIECON ගෝලීය ආයෝජන සමුළුව, හරහා මෙරටට නව ආයෝජන රැසක් !
debt
රටේ ණය බර තවත් ඉහළට !
DiscoverHeat1
මේ උණුසුම අවදානම් !
How-to-trade-stocks
කොටස් වෙළෙඳපොළෙන් බිලියන 2 1/2 ක පිරිවැටුමක්. ප්‍රධාන මිල දර්ශකය ඒකක 77කින් ඉහළට
image-4
ශ්‍රී ලංකාව හා ඉරානය අතර අවබෝධතා ගිවිසුම් පහක් !
image-3
උමා ඔය ව්‍යාපෘතිය විවෘත කෙරේ !
wijedasa
විජේදාසත් වැඩබලන සභාපති වෙයි !
image-2
වතුකරයේ හර්තාල් !
image
ජාතික මුරුංගා දිනය ප්‍රකාශයට පත් කිරීම කඩිනමින් සිදු කරනවා