දම්පත් රණසිංහ
ලබන සිකුරාදා සිට වයස අවුරුදු 12 ට ඉහළ දරුවන්ට ෆයිසර් එන්නත ලබාදෙන බව රාජ්‍ය අමාත්‍ය මහාචාර්ය චන්න ජයසුමන මහතා සදහන් කරයි.
රිජ්වේ ආර්යයා ළමා රෝහලින් දරුවන්ට එන්නත්කරණ වැඩසටහන ආරම්භ කෙරන බවද රාජ්‍ය ඇමතිවරයා පැවසීය.
ආබාධිත සහ නිදන්ගත රෝගවලින් පෙළෙන දරුවන්ට මුලින්ම එන්නත් ලබාදෙන බව රාජ්‍ය ඇමතිවරයා වැඩිදුරටත් සදහන් කළේය.
මේ අතර මෙවර උසස් පෙළ විභාගයට පෙනී සිටින දරුවන් සඳහා කොවිඩ් මර්දන ෆයිසර් එන්නත මුලින්ම ලබා දීමට තීරණය කර ඇති බව අධ්‍යාපන අමාත්‍ය දිනේෂ් ගුණවර්ධන මහතා ඊයේ (21) පාර්ලිමේන්තුවේදී සඳහන් කළේය.
පාර්ලිමේන්තු මන්ත්‍රී පාඨලී චම්පික මහතා යොමු කළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේය.
පාසල් දරුවන් සඳහා කොවිඩ් මර්දන එන්නත ලබාදීමට ජනාධිපති ගෝඨාභය රාජපක්ෂ මහතා පසුගියදා අවශ්‍ය උපදෙස් ලබා දී ඇති අතර ඒ අනුව අවශ්‍ය කටයුතු සිදු කරගෙන යන බව අමාත්‍යවරයා වැඩිදුරටත් පැවසීය.
