අසංක නවරත්න
ඔමික්‍රොන් ප්‍රභේදය COVID-19 හි උග්‍ර අවධියේ අවසානය සනිටුහන් කරනු ඇතැයි උපකල්පනය කිරීම භයානක බව ලෝක සෞඛ්‍ය සංවිධානයේ (WHO) ප්‍රධානියා අනතුරු අගවා තිබේ.
වසංගතය පරාජය කිරීමට අවධානයෙන් සිටින ලෙස ලෝකවාසීන්ට එම සංවිධානය උපදෙස් දෙයි.
“Omicron අවසාන ප්‍රභේදය වනු ඇති බවත් අපි අවසාන ක්‍රීඩාවේ සිටින බවත් උපකල්පනය කිරීම භයානක ය,” ලෝක සෞඛ්‍ය සංවිධාන ප්‍රධානී ටෙඩ්‍රෝස් අද්නාන් පැවසීය.
මිලියන 6 කට ආසන්න ජනතාවක් මරා දැමූ වසර දෙකක වසංගතය පිළිබඳ සමාලෝචනයක් සිදුකළ WHO විධායක මණ්ඩල රැස්වීමකදී ඔහු මේ බව පැවසීය.
කොරෝනා වසංගතයෙහි ගෝලීය වශයෙන් තව තවත් ප්‍රභේද මතුවිය හැකි බවට එම සංවිධානය පවසයි.
ලොව පුරා ඔමික්‍රෝන් මුළු රෝගීන් මිලියන 350 කට ආසන්න අගයක් දක්වා ඉහළ ගොස් ඇත.
එහි අඩු මාරාන්තික බලපෑම සහ එන්නත් වැඩිවෙමින් පැවතීම, වසංගතයේ නරකම තත්ත්වය පහව ගොස් ඇති බවට සමහර පාර්ශ්වවල ශුභවාදී හැඟීමක් ඇති කර තිබේ.
ටෙඩ්‍රොස්, කොවිඩ්වෛරසයට එරෙහිව සටන් කිරීමේදී විනය සහ එකමුතුකම ඉල්ලා සිටියේය.
‘COVID-19 වසංගතය දැන් එහි තුන්වන වසරට පිවිසෙමින් පවතින අතර අප සිටින්නේ තීරණාත්මක සන්ධිස්ථානයක’ ඔහු මීට පෙර ප්‍රවෘත්ති සාකච්ඡාවකදී පැවසීය.
“මෙම වසංගතයේ උග්‍ර අවධිය අවසානයකට ගෙන ඒමට අපි එකට වැඩ කළ යුතුයි. සංත්‍රාසය සහ නොසැලකිලිමත්කම අතරේ ගිලෙමින් එය දිගටම ඇදගෙන යාමට අපට ඉඩ දිය නොහැක.
