අද ( 03) දින සිට ක්‍රියාත්මක වන පරිදි, කර්මාන්ත අමාත්‍ය විමල් විරවංශ මහතා සහ බලශක්ති අමාත්‍ය උදය ගම්මන්පිල මහතා සිය ධුරයන්ගෙන් ඉවත් කර තිබේ.
ඒ ජනාධිපතිවරයාට ආණ්ඩුක්‍රම ව්‍යවස්ථාවේ 47(2)(අ) ව්‍යවස්ථාව යටතේ පැවරී ඇති බලතල ප්‍රකාරව ය.
ඒ අනුව විමල් වීරවංශ සහ උදය ගම්මන්පිල යන මහත්වරු අමාත්‍ය ධුරවලින් ඉවත් කිරීමෙන් පසු අමාත්‍යාංශ කිහිපයක සංශෝධන සිදු කර තිබේ.
ගාමිණී ලොකුගේ මහතා බලශක්ති අමාත්‍ය ධුරයෙහි දිවුරුම් දී ඇත. එම ධුරයේ මීට පෙර කටයුතු කළේ උදය ගම්මන්පිළ මහතායි.
පවිත්‍රාදේවී වන්නිආරච්චි මහත්මිය විදුලිබල අමාත්‍ය ධුරයෙහි අද පස්වරුවේ ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතා ඉදිරියේ දිවුරුම් දී ඇත.
පාර්ලිමේන්තු මන්ත්‍රී එස්.බී. දිසානායක මහතා කර්මාන්ත අමාත්‍ය ධුරයේ දිවුරුම් දෙනු ලැබීය.
ජනාධිපති මාධ්‍ය අංශයේ මේ බව නිවේදනය කලේය.
