මුහුණු ආවරණ නොමැතිව ඉන්ධන පිරවුම්හල් වෙත පැමිණෙන පුද්ගලයින්ට හෙට සිට ඉන්ධන නිකුත් නොකරන බව ඛනිජ තෙල් අලෙවි නියෝජිතයින්ගේ සංගමයේ (PDA) සම ලේකම් කපිල නාඔටුන්න මහතා පවසයි.
COVID-19 අවදානම රට තුළ යළිත් ඉහළ යමින් පවතින බැවින් මේ පිළිබඳව සියලුම ඉන්ධන පිරවුම්හල් දැනුවත් කර ඇති බව ඔහු පැවසීය.
එබැවින් ඉන්ධන පිරවුම්හල් වෙත පැමිණීමේදී සෞඛ්‍ය උපදෙස් පිළිපදිමින් දැඩි අවධානයක් යොමු කරන ලෙස ඉල්ලීම් කළ බවද ඔහු පැවසීය.
“සෞඛ්‍ය මාර්ගෝපදේශ පිළිපැදීම සම්පූර්ණයෙන්ම අත්හැර දමලා. ඉන්ධන පෝලිම්වල සමාජ දුරස්ථභාවය පවත්වා ගන්නා ලෙස ජනතාවට දැඩි ලෙස උපදෙස් දෙනවා”නාඔටුන්න පැවසීය.
මුහුණු ආවරණ පැළඳ නොසිටින අයට ඉන්ධන ලබා නොදෙන ලෙස විස්තර කරමින් සෑම පිරවුම්හලකම අදාළ දැන්වීම් ප්‍රදර්ශනය කරන බවද ඔහු වැඩිදුරටත් පැවසීය.
