රාජ්‍ය ව්‍යවසායන් ප්‍රතිව්‍යුහගත කිරීමේ ක්‍රියාවලිය යටතේ එම ව්‍යවසායන් සියල්ල සඳහා මහා භාණ්ඩාගාරයට සියයට 100ක් කොටස් හිමි මව් සමාගමක් ස්ථාපිති කිරීම වෙනුවෙන් ජනපති රනිල් වික්‍රමසිංහ මහතා ඉදිරිපත් කළ යෝජනාවකට කැබිනට් අනුමැතිය ලැබී තිබේ.
ඊයේ පැවැති කැබිනට් රැස්වීමට මෙම යොජනාව ජනපතිවරයා ඉදිරිපත් කර තිබේ. මේ පිළිබඳව අදහස් දක්වමින් ජනමාධ්‍ය අමාත්‍ය බන්දුල ගුණවර්ධන මහතා පැවැසුවේ රාජ්‍ය ව්‍යවසාය ගණනාවක් අලාභ ලබන හෙයින් ඒවා තවදුරටත් පවත්වාගෙන යාම ගැටලුවක් වී ඇති බවයි.
